انسى الهم و اضحك مع احلى النكت

واحد أخنف حظه وحش قوي وقع في حفره و فضل مستني لغاية ماواحد جه
و على حظه كان أخنف برضه الأخنف اللي فوق قال ... استنى شوية
.. حاطنّنعك دنوأتي قاله نببنا يخننيك بسنعة .. قال له
و كمان بتتتيأ ؟؟؟ طب شوف مين حيطننعكّ
------------ --------- --------- --------- ----
مرة اثنين عندهم كلاب صيد صاحب الكلب الاول أول ما يضرب طلقة من البندقية
يجرى الكلب ويروح يجيب الفريسة
والثانى أول ما يضرب الطلقة كلبه يكّش فنصحة صاحبة انه يروح أفراح في
الارياف، فالكلب هيتعود على صوت البندقية
راح الارياف وفضل يحضر فى افراح لمدة 6 شهور
وبعدين رجع يصطاد، راح ضارب طلقة من البندقية
راح الكلب وقف على رجله وقعد يزغرد
------------ --------- --------- --------- ---
واحد سكران كان بيعاكس وحدة وحشة اوي بالليل
فكان بيقول لها يا وحشة يا وحشة
راحت ملتفتة ليه وقالت له يا سكران
راح قايل لها طب انا سكران حفوق بكرة .. وانتي
------------ --------- --------- --------- -----
دكتور بيعمل عملية في مخ مريض وطلّع
المخ وحطة في الصينية جنبه
وشغال في الـجـمـجـمـة شوية ودخلت قطة وكلت المخ
الدكتور احتار ملقاش غير جوز الجزمة حطها في الجـمـجـمـة وقفل
وبعد كام سنة ساله واحد زميلة بيقول له اخبار مريضك بتاع الجزمة ايه
رد علية وقال له عقبال املتك دا بقي الوزير بتاعنا
------------ --------- --------- --------- ----
واحد كسلان اتحكم عليه بالإعدام بدفنه في حفره
فقالوا له نفسك في أيه قبل الموت
قال نفسي أشرب قالوا له قوم أشرب
قال لسه حقوم اردم ياجدع
------------ --------- --------- --------- ---
واحده ست مسكت حرامى فى المطبخ
فقالت لابنها روح إنده ابوك من على القهوة
جه ابوه، ولما فتح المطبخ لقي الحرامي صغيّر فقال له انت اسمك ايه؟
قالوا كريم ،فقعد يضرب فيه لحد ما عجنه
تاني يوم الست بتفتح باب المطبخ لقيت حرامي
قالت لابنها روح يا وله نادي ابوك من على القهوة
جه الراجل ولما دخل المطبخ لقي واحد طول بعرض
بص لمراته وقال لها امال فين كريم ؟
------------ --------- --------- --------- ---
عيلين صغيرين ماشيين
فى الشارع لقوا قطة فالاول قال للتاني انا هاخد القطة دي اربيها
التاني قالوه ماينفعش كدة تجيبلك امراض اغسلها الاول
تاني يوم جه الولد بيعيط
وبيقول لصاحبه القطة ماتت وانت السبب انت ال قولتلي اغسلها
صاحبه قاله ماتت وانت بتغسلها
قاله لاماتت ونا بعصرها
------------ --------- --------- --------- ----
اثنين اغبياء فى طياره معديه الاول قال انها طيارة الرئيس
فقال الثانى انها مش طيارة الرئيس
الاول والله دى طيارة الرئيس
الثانى لا مش طيارة الرئيس
فاتفقو اى حد معدى يسالوه فعدى واحد فسألوه دى طيارة الرئيس
فقالهم يا اغبياء طيارة الرئيس بيمشى وراها موتوسكلات
------------ --------- --------- --------- ----
واحد قالو له الحق مراتك قاعدة مع صاحبك في البستان
راح جاري ورجع على طول وقال لهم : اييييه هم شجرتين عملتوهم بستان
والراجل طلع لا صاحبي ولا اعرفه
------------ --------- --------- --------- -----
وحده تقول لزوجها ادبح خروفين بمناسبة مرور 25 سنه على زواجنا
قال زوجها طيب و إيه ذنب الخروفين في غلطه انا ارتكبتها حمار

هههههههه ما احلى النكت دى دائمآ عند حضرتك الجديد

نكت جميلة يااستاذة ماربانا

ههههههههههههههههههههههههههه حلوين قوى اسناذة ماريانا

» احلى نكت 2012
» @@ مجموعة من النكت المصورة @@
» اضحك بالصورة قادمون ايها اليابانيون
» اضحك بالصور شعار الحمامات فى بلاد العالم