ا. ماريانا نبيه
الساعة :
 عدد المساهمات : 505
نقاط : 1450
التقييم : 9
تاريخ التسجيل : 14/03/2012
 | موضوع: قصائد ثورية  الأحد مارس 25, 2012 4:24 pm | |
| تحية ونداء للشعب المصـــرى
ارفع راسك فوق بجـدارة *** انت المصرى تاريخ وحضـارة
زلت الغمة . حميت الأمــــــة***وعملت الثورة الجبــارة
***
ارفع راسك عالى لفــوق ***انت المصرى المليـان زوق
ولا تتعصب و لا تتأثــر ***بكره يا صاحبى الحالة تــروق
***
ارفع راسك كده فى العـالى *** ومفيش حد عليك متعالى
انت زعيمهم ومعلمـهم ازاى نحمى الوطن الغـالى
***
شعب أصيل من ساسه لراسـه *** واخد الحكمة من كراســه
أخلاق عالية مش متعاليـه*** عمره ما يتكبر على ناســه
***
مسلم قبطى إيد فى الإيـد *** والعيد عند اللتنين عيـد
واللى يفكر يصنع فتنــة *** هنأيد إيده بحديــــد
***
فى الميدان مسلم بيصلى *** ومسيحى بيصونه تمـلى
والمسلم يحرص له كنيستـه ***ارفع راسك فى السما على
***
رجل الدين كلنا بنحبـه *** ما بنسمحش لحد يسبــه
دين الله لله يا اخوانــه *** واللى يخالف مش هنحبـه
***
اصبر يابنى عليه شويـة *** طلباتك دى كتيره عليـه
لما الإنتاج يكتر اطلـب ***هنحققها وفوقها شويـــة
***
الفاسدين كانوا خربين بيتنـا***سارقين قوتنا وخارمين حيطنـا
وديون مصر اللى نهبوهــا*** هنسددها من قوتنـا
***
قبل ما نطلب لازم نعمـل ***علشان مصرنا تصبح أجمـل
علشان إبنى لازم أبنــى ***لما هننتج الخير يشمـل
***
سيبك سيبك م الإشاعـــات *** زمن الضحك علينا أهو فـات
لا فلان عايش بعد ما مـات *** ولا ريس يصنع أزمــات
***
ارفع راسك بعد الثـــورة *** إنت سترت العيب والعـــورة
والعالم كله بـيشهـــد لــك *** ثورة مصر دى أحسن ثـــورة
تحية للجيش المصرى
يا جيشنا يللى حميت مصر من الويلات
قالوا لك : اضرب عليهم
قلت : لأ ،هيهات
اضرب أخويه وأبويه إزاى يا ريسنا ؟!
لأ ، مش هنرضى تعيش وأهلنا أموات
حبك فى قلبى يا جيش زى مياه النيل
فى كل عصر أنت فيه حامى حقوق الجيل
عمرك ما خنت البلد ولا كنت لحظة عميل
جميلك أنت علينا تتغنى فيه مواويل
لما حكمت البلد داويت جراح الشعب
والأمر مش فبركة ، الأمر أصلاً صعب
لكن أسود الحدود اتعودوا ع النصر
اتعودوا ع العمل من غير كلام ولا لعب
كان نفسى أكون جندى فيك ،ولم يصبنى الدور
بس عزائى الوحيد إنى بهواك مبهور
حبيت أعبر عن الحب إللى جواية
لقيته أكتر كتير إنه يكون فى سطور
جيت فى وقتك يا شرف *** تنشر الخير والشرف
تِجرى بِينا من ماضينـا *** اللِّى كان مليان قرف
جيت فى وقتك ياشرف
...هو دا الحاكم بجد *** اللِّى ما بيظلمش حد
اللِّى ما يفقرش شعبه *** وهو عايش فى الترف
جيت فى وقتك ياشرف
كنا فى الماضى فى إهانه *** ناكل العيش بالمهانة
واللِّى يشكى واللِّى يبكى *** فى المعاقل يِنجرف
جيت فى وقتك ياشرف*
جيت فى وقتك يا عفيف *** يابو قلب أبيض نضيف
لجل ناس كرهوا حياتهم *** ملوا نومهم ع الرصيف
جيت فى وقتك يا عفيف*
جيت تعيد شكل الرغيف *** اللِّى كان فعلا رغيف
قمح مصرى مش مسرطن*** وزنه كامل مش نحيف
جيت فى وقتك يا عفيف
الأمل عاد لما جيت *** والثقة فينا بنيت
عاد ربيعنا من جديد *** بعد ما طال الخريف
جيت فى وقتك يا عفيف
ابنى على مش تخاف *** احمى مصر من الجفاف
ازرع احصد ويا شعبك *** دا احنا عشنا سنين عجاف
ابنى على مش تخاف
احنا وياك ع الطريق *** ننقذ اللى كان غريق
ننصف الحر البرىء *** احنا قوة مش ضعاف
ابنى على مش تخاف*
رجع المسروق لنا *** احنا أولى بحقنا
واللى جاى نحميه أكيد *** بالأسود مش بالخراف
عتاب للحكومة
عاتب عليكى يا حكومة ثورتى
إزاى تسيبى اللى سارق لقمتى
واللى نزل دمعتى
واللى كان بقتل ولادى
واللى صانع شدتى
والعمل إيه يا مشير ؟
عفو عنهم ؟
شىء خطير
تدى فرصة للى يسرق
م العقاب يخلع ، يطير
والتمن ايه؟ الفلوس ؟
اللى بتغير نفوس ؟
دا اللى يعفى عن سارقنا
يبقى ما فهمش الدروس
اسجنوهم ياما سجنوا
اهدموهم ياما هدموا
اعدموهم يا ما عدموا
احنا مش عايزين فلوس | |
|
